ik word nie goed, ik word nie lekker
ik krieg 't warm, zie zwarte vlekken
a'k der an denk wat mij dalijk gebeurt
mien eigen skuld, da's nog 't slimste
te lange wacht da's nie zo slim west
nou ben'k de bok, nou ben'k an de beurt
was ik nou mar eerder hen gaon dan was't nie zo'n ramp
mar nou is't te laate veuls te laate, ik loop tegen de tandartslamp
ben zo benau –au –au auwd
ben zo benauwd veur de tandarts
as ik praot heur ie 'n echo
komp deur dat gat in mien koeze
't is net 'n putte, 't is net 'n wak in 't ies
'n handig schaop kan der uut zoepen
'n forstelijk gat, jaboeh 'n beste!
wat moe'k nou doen, 'k heb van alles probeerd
kruudnagels en voezel, spuulen met zolt en kamille thee
water stof peroxide, och wat he'k 'n trammelant met de tanden fee
mien eigen schuld, mien eigen bestwil
nien eigen tannen, mien eigen koezen
't moet mar gebeurn anders komp der wat nie goed
'k lig in de stoel, slim te zwieten
hij hold zien boor en ik mien hart vast
't is te laate om op de loop te gaon
't is op zich 'n beste vent want hij stelt mij gerust
"doe mar kalm an 'k heb goed gereedskap 'k heb 't inhuurd bij de N.A.M."
